Description
Múinteoir, scoláire, saineolaí béaloidis, aistritheoir, iriseoir, staraí, ceardaí agus grianghrafadóir a bhí i nDomhnall Ó Cearbhaill a chaith cuid mhaith dá shaol ag soláthar ábhar ilchineálach léitheoireachta do phobal na Gaeilge. D’fhoilsigh sé cuid mhaith den ábhar sin ar nuachtáin náisiúnta Bhéarla na hÉireann, rud a chinntigh go n-aimseodh sé an lion ab fhairsinge léitheoirí ó cheann ceann na tíre. Rinne sé i gcónaí ábhar spéisiúil léitheoireachta a sholáthar, go minic ag tarraingt as litríochtaí na cruinne. Chuir sé Sinbead, a raibh aithne ag pobal an Bhéarla fud fad na cruinne air cheana, in aithne do phobal na Gaeilge ar an meán seo. Foilsíodh turais farraige an laoich seo ar an Irish Weekly Independent gach aon seachtain ó 9/12/1939 go dtí 25/5/1940.
