Macallaí na Cásca 22 – An Filleadh – dráma ar 1916 móide réamhaistí ar an nGaeilge agus an Éirí Amach

Mar chuid de chomóradh 100 bliain Éirí Amach na hÉireann sa bhliain 1916 d’iarr Conradh na Gaeilge ar Alan Titley dráma a scríobh do dhaoine óga. Is é an dráma seo AN FILLEADH toradh an iarraidh sin.

Chuir an Conradh comórtas ar bun idir scoileanna féachaint cé acu ab oiriúnaí a léireodh an dráma. Bhí freagairt mhaith ar an gcomórtas, ach ar deireadh roghnaíodh Gaelcholáiste an Phiarsaigh, BÁC chun an dráma a léiriú faoi stiúir Rachel Ní Fhionnáin. Cuireadh ar an stáitse é Luan Cásca 2016 in Amharclainn na Mainistreach a bhí lán thar doras amach de phobal na cathrach!