Duanaire an Chéid

Rogha an eagarthóra, Gearóid Denvir, de na dánta is fearr leis ón bhfichiú haois atá sa leabhar seo. Dánta mar ráitis shuntasacha chruthaitheacha iontu féin seachas saothar le filí faoi leith a roghnaigh sé. Slata tomhais aeistéiticiúla agus ealaíne amháin a bhí aige sa roghnú. Tá dánta ann ó go leor filí nach gcuirfeadh iontas ar aon léitheoir ach tá riar dánta ann freisin ó fhilí aon chnuasaigh, nó aon dáin fiú, nár scríobh mórán filíochta riamh roimhe sin ná ó shin.